مصر بجد

كتب الصديق العزيز خالد السرجاني مقالا في جريدة الدستور بعنوان:

خصخصة أقسام الشرطة بجريدة الدستور، ,و أشار فيه لمقال سبق وأن كتبته وهو المنشور هنا.

انقلة من موقعي السابق “لام ألف” ادعوكم لقراءته

عرفها أغلب فقراء مصر وعديمي الواسطة
أمسيات ساخنة معتادة في ثلاجة المباحث (المزيد…)

مدني
إبريل 1994 ، لم يكن مر على قيدي بنقابة المحامين أكثر من عام ، كنت أكره الإسلاميين ، وأخاف أن يتم تسليمهم الحكم في مصر في صفقة مع الحكومة المصرية ، أو تحديدا مع بعض الرموز في الحكومة المصرية ، فالحكومة ليست كتلة واحدة.
الخوف شعور طبيعي من الإسلاميين ، خاصة حين تكون يساريا.
خوفي من الإسلاميين لم يكن يعني أن أتغاضي عن التعذيب القذر الذي يواجهونه ، هكذا كان شعوري ، وهكذا تعلمت من صديقي ، الحقوقي الراحل هشام مبارك .
27 ابريل 1994 مساء ، خبر يصلني على الهاتف بإلقاء القبض على عبد الحارث مدني المحامي -34 عاما و ناشط بالجماعة الإسلامية- في مكتبه .
كان يجب أن أتحرك كمحامي في المنظمة المصرية لحقوق الإنسان.
ساعات قليلة ،،و قبل ان أقرر ماذا افعل ،، تليفون أخر ، مات عبدا لحارث مدني!!!
الخبر انتشر ،، ومع ما يشاع عن التعذيب في مصر ،، كان التفسير الأقرب للمنطق أنه مات تحت التعذيب.
ومرت الأيام ، ولم يتم فتح تحقيق جدي من النيابة العامة.
عبدالحارث مدني حين قبض عليه في مكتبه ، كان برفقة بعض أصدقائه ، وكان بصحة جيدة.
أي شخص لن يموت وهو في هذا السن ، دون تفسير منطقي وواضح.

كتبت قبل كده عن نموذج من اتصال أمن الدولة بتوع المعادي.

وطبعا كان قبله اتصال من أمن الدولة لاظغلي "اسمه معتز خير".

النهاردة جالي اتصال من ربع ساعة ، رقم التليفون لم يظهر وظهرت مكانه كلمة رقم خاص..

رديت

الو ايوه استاذ جمال؟

– ايوه مين معايا؟

أنا الرائد شريف القماطي "وللي مش عارف ده كان نقيب ومحرر محضر وشاعد قضية اشرف ابراهيم  .. اللي اتحبس 11شهر وبعيدن طلع براءة .. ما علينا

-ايوه ..

-لحنا  زي ما انت عارف بدئنا عهد  جديد ، وسمعنا انك عامل مؤتمر في الشبكة العربية وفيه ضيوف عرب؟

– يعني ايه؟

– يعني بنسأل؟

– طيب ومفروض اعمل ايه؟

– كنا عايزين نعرف؟

– وانت عارف انا حديلك معلومة ؟ هوه انا حعمل لك شغلك؟

– اكمل بعيدن

جمال 

أمن الدولة في المعادي .. اتصلوا ، ولكل ثقة " استاذ جمال عايزنك النهاردة ! "

يعني ايه عايزنك ، ومفروض اجي ليه يعني ، اصحاب ، خايف … مش جاي

بوليس: ولا تفرق

وده نص الحوار

اتصال من أمن دولة المعادي
حوالي الساعة الواحدة ظهر الأحد 27 اغسطس 2006.

– ألو
– أيوه يا استاذ جمال .
– مين معايا؟
– احنا امن الدولة.
– نعم
– احنا امن الدولة المعادي .. عايزينك بالليل
– مين معايا؟
– مش مهم مين معاك ، تيجي الساعة 9 تقابل الرائد …… "نسيت الاسم"
– بقولك مين معايا
– احنا امن الدولة .. تعرف قسم المعادي ؟ احنا وراه عايزينك الساعة 9 باليل تقابل الرائد ….
– مش فاضي .. ومش حاجي غير لما اعرف مين معايا وعايزين ايه.

شخص أخر يتناول السماعة ويحدثني.
– استاذ جمال
– ايوه
– كنا عايزينك بالليل
– مين معايا .. أنا امين شرطة …. "نسيت الاسم"
– خير ممكن اعرف عايزني ليه؟
– ماهو لما تيجي حتعرف
– بس أنا مش فاضي ، ومش حاجي غير لما اعرف فيه ايه.
– يعني مش حتيجي ؟
– لما افضي.
– ماشي .. انت اللي حتزعل

افتكرت .. اسم الضابط "أحمد حازم "

واقفل الخط.

جمال عيد