مصر بجد

تشتري أسلحة ؟؟ بيع يا بوش ،، واشتروا يا عرب
الصديق الأمريكي عايزنا نستقر . فبيبيع لنا أسلحة.
صحيح مش حنستخدمها ، لكن حنشتريها.
عامل زي الجاهل الأمي اللي جاب كمبيوتر لاب توب وفيه وايرلس.
ولا حتى الكمبيوتر مفيد،، وممكن يتعلم عليه ويفيد ويستفيد.
لكن الاسلحة هي الحاجة اللي لو اتعلمت تستخدها ، فتصبح قاتل.
تخيل سلعة كلما استخدمتها ، معناه موت.
يعني الفلوس ضايعة على سلعة ، تخزينها سيئ ، واستخدمها مميت!
وكل ما الصديق يتزنق بدل ما يقلع ن يبيع.
والخزائن النفطية جاهزة لشراء ادوات الموت.
هبل ان انهم يشتروها ولا يستخدموها.
وقذر انهم يشتروها ويستخدموها.
لوكهيد مارتن لصناعة الأسلحة تزيد أرباحها الربعية
وبلغت مبيعات لوكهيد مارتن 10.7 مليارات دولار خلال الربع السنوي الأول من عام 2007م ، يعني بالصلاة على النبي في السنة بتبيع بحوالي 42مليار دولار اسلحة.
واحسن زبائن هم العرب.
أسلحة أميركية بعشرة مليارات دولار لدول خليجي ة
كده كل كام يوم زكائب المال النفطي تضخ بترول وأموال في جيوب تجار الموت والفساد
ولا تقولي يمامة ولا مياممش ،،
وايه يعني مليار ومائتين مليون جنيه استرليني عمولة في صفقة بمبلغ 40 مليار جنيه استرليني ؟؟؟
دي حتى أقل من سمسرة الشقق!
سمسار العقارات بياخد 2،5% من قيمة الصفقة وممكن تصل الى 4% لو شركة سمسرة كويسة" كويسة يعني فيها سكرتيرات حسناوت المظهر ، والزبون بيشرب : قهوة سعادتك ايه" .. والذي منه"
والراجل بتاع اليمامة مخدش غير 2,4% من الصفقة.
بيع يا بوش
اشتري يا نفطي
خزن يا أهبل
استخدم يا قاتل
ادفع يا شعب ، مال أو دم !!!!
قتله