مصر بجد

نشرت بتاريخ 30-8-2005

في منتصف شهر يونيو الماضي ، ألقت أجهزة الشرطة القبض على اثنين من الشباب المنتمين لإحدى الجماعات المطالبة بالتغيير والإصلاح في مصر بمبرر توزيعهما لبيان يدين محاولات توريث الحكم والفساد المستشري في مصر ، وكعادة أجهزة الشرطة في مثل هذه الحالات ، لم يسمح للشابين بإبلاغ ذويهما أو عرضهما على النيابة العامة قبل إجراء تحقيق من قبل الشرطة تخلله تجاوزات أصبحت بحكم العادة في مصر نهج ثابت وآلية معتادة .

تجمع العشرات من المحامين وأصدقاء هاذين الشابين أمام مكتب النائب العام ، يطالبوه بالتدخل لإنقاذ هؤلاء الشباب من براثن أجهزة الأمن ، خشية أن يتعرضا للتعذيب .

وبعد قليل ونتيجة لتباطؤ النيابة العامة في فتح تحقيق ، كما ينص القانون بدأ الحشد المتواجد أمام مكتب النائب العام في الهتاف ” عايزين نيابة حرة .. العيشة بقت مرة ” ! (المزيد…)

راجع من وسط البلد من يومين تلاتة.  حوالي 2الصبح ..
على الكورنيش ..تقريبا عند مستشفى السلام الدولي .. كان فيه حادثة …
المرور صعب و عاملين طريق عربية واحدة تمر منه .. جه دوري ، عربية هيونداي كسرت عليا عشان يعدي الأول .. سبته يعدي .. بس سائق العربية كان بطيئ .. اديته كلاكس
ظل بطيئ وقافل الطريق .. حاولت اعدي .. كسر عليا تاني  والعربيتين حكوا في بعض ..
مفيش تلفيات .. بس لآن عربيتي فيها عتبه .. وهوه عربيته مفيهاش .. الحكة بانت علي عربيته ..
لحد هنا وعادي .. بتحصل في احسن العائلات ..
ايه علاقتكم بحادثة عبيطة بتحصل بين عربيتين !!
جاي لكم في الكلام
بدا يشتم ويسب .. طنشته .. ومشيت
مزاجي كان عال وعنب
طلع ورايا وبرضه استمر يشتم
طبعا انا رديت عليه .. ربنا يرحمكم من لساني لما بفتح .. أنا اصلا من دار السلام وما أدراك
وصلنا للمعادي وراح كاسر ووقف بعربيته أمامي
وقف ..
نزل
نزلت
جاي ناحيتي وبدأ يشتم ويقيسني بنظرة
شكله حيبدأ ضرب
استعديت
فعلا قرر يضرب ..
ضربني في رجلي ..
في ثانية فكرت "اضربه وأوجعه ولا أترك اثر" (خبرة امن الدولة).
العساكر أتجمعوا وضابط صغير .. هوه استمر يحاول يضرب وأنا اضربه في بطنه وصدره أوجعه ولا أترك اثر
العساكر خلصونا من بعض ..
هوه لسه بيبرطم
انت متعرفش انا مين؟ "لسه فيه ناس عبيطة بتاعة انت متعرفش انت بتكلم مين!!!!"
لقيته خد الضابط على جنب .. وسمعت كلمة عقيد أمن دولة …
ضحكت بصوت عالي ومقدرتش امسك نفسي .. اتحركت ناحيته وقلت له وانا بضحك بس بغيظ .. طظ في كل الوسايط اللي حتجيبها ..
المثير ان الضابط الصغير . لقيته بيقول لصاحبنا .. طيب ممكن اشوف الكارنية ..
قلقت ..
قلت له .. بص احذرك من أي مجاملة على حسابي
!!!!!!!!
طلع مش ضابط .. ولا أمن دولة
فضلت اضحك
المباحث جت .. بعد نص ساعة
فهموا الموضوع من الضابط الصغير بتاع المرور
سألوا عايزين تعملوا محاضر لبعض
صاحبنا .. بتاع أمن الدولة المضروب جاب ورا
وانا  سكت .. ما انا خدت حقي
قال لهم خلاص بلاش
قلت لهم مفيش مشاكل
خدت الرخصة ومشيت
فكرت
ازاي انا اتعلمت من أمن الدولة .. انا زعلان  من نفسي