مصر بجد

طيب أنا كنت جعان ، خلصت ميعاد شغل في نيويورك ، الشوارع حلوة ، والبنات أحلى.

ماء

الساعة اتنين الضهر.
أكل ايه .. أكل ايه ؟
رحت مطعم صيني ، غدا اسبيشيال "6،99 $" زي بعضه ، بس الغداء من غير مشروب والكوكا كولا ب 2 دولار !
إزازة المية بدولار ونص !
ما علينا من المية … "طبعا نسيت إن المية في نيويورك أغلى من الجعة" !!
خرجت من المطعم ، عطشان شويه بس جعان أكتر.
ضربت الـ " شوهان بو وذ شيكين بوهان – سبيسي".
كل الأكل الصيني ولو انت مش صيني ، بيشبه بعضه ..وطبعا انت متقدرش تكدبهم
أقل حاجة واحد حيطلع لك ويقولك وانت يعني بتعرف صيني ؟!
زي عندنا كده .. كل الاكل عبارة عن تسبيكه طماطم ، وعليها الخضار ..
كل الاكل المصري ,,,, إلا القليل.
ما علينا .
الـ " شوهان بو وذ شيكين بوهان – سبيسي" كان حراق جدا.
ميه يا ناس صدري حيولع …
كنت بعدت عن المطعم.
أي مكان فيه ميه يا خلق ؟ نار … نار ولاد الكلب حطوا قرن فلفل احمر "صيني" كامل وكان تايه وسط ال شوهان بو وذ شيكين بوهان – سبيسي !!!
طيب فيه كشك قريب ، غالبا عنده أزايز ميه .
– هاي ، ماي أي هاف أ بوتول اوف وتر بليز؟
– يس سير.
– هاو ماتش؟
– تو دولار فورتي .
دي مينفعش معاها غير احا بالعربي "صاحبنا بتاع الحجب- عبدو بتاع لا والنبي يا عبدو- حيفكر في قضيه بخصوص أحا دي"
بس انا عطشان ، ونار مولعة في صدري يا مؤمنين!
نيويورك اه حلوه.
والحياة لطيفة.
صعبان عليا نفسي" تو دولار فورتي" ده تمن كبدة فراخ في استوريل يا كلاب.
بس عطشان
وبقى موحوح
وإشتريتها.
2دولار و40 سنت، يعني 13 جنيه ونص. حار ونار.
الغريبة بقى أني بعد ما شربت ، حسيت أن احلى حاجة في الدنيا هيه الميه.
يا سلام ، مش خسارة في الازازة "بالمناسبة كانت 700 ملي" المشبرة.
المثير بقى
أني شربت حوالي نصها، وكنت سعيد وأنا ماشي في الشارع ماسك الأزازة.
شعور بالثقة.
والله بتكلم جد
ماشي بهز الازازة ، وكل شويه اخط شفطة ..
شعور جميل فعلا
لو فاكرين الشراب ابو استك منه فيه ، حتفهموا شعوري.
على كل حال ، حجيب الازازة معايا "وعد" وحخليها في المكتب للي عايز يتفرج عليها.
أصعب حاجة في الدنيا ..
لما تكون عطشان جدا … وعايز تشرب ميه.
ولما تكون شارب جدا .. وعايز تخرج ميه .
دنيا

وإيه أخبار الدولة المؤقتة؟
توقفت طويلا عند سؤاله ، شاب مصري ، يعمل بأحد المطاعم البلجيكية سألني حينما سمع كلماتي العربية مع بعض الأصدقاء أثناء تناولنا للطعام بمطعم في بروكسل.
لم أتوقف لغرابة السؤال ، ولكن لتكراره ، فتعبير الدولة المؤقتة سمعته أيضا أثناء وجودي في نيويورك من بعض الشباب المصريين البسطاء الذين فروا بأحلامهم المؤجلة إلى بلاد الله الواسعة ، لا يعلم احد كيف استطاعوا الوصول إلى نيويورك أو استطاع غيرهم الوصول إلى بعض البلدان الأوربية التي أصبح دخول الجنة أسهل من دخولها.
حينما سمعت تعبير "الدولة المؤقتة بأول مرة في نيويورك منذ نحو عامين ، لم أفهمه في البداية ، فسألت الشباب ماذا يعني؟ فقالي لي أحدهم أنهم يثقوا تماما أن هذه الظروف التي تعيشها مصر هي ظروف مؤقتة ولا يمكن أن تستمر ، هذا الفساد وهذا القمع وصعوبة الحصول على فرصة عمل توفر لهم لقمة العيش جعلهم يتأكدوا أنها ظروف مؤقتة ، قالوا لي أنهم مثلهم مثل الكثيرين يحبون مصر ويعشقون شوارعها وحرارة لقاءاتهم في المقهى أو على شاطئ النيل ، لكن العصابة التي تحكمها جعلتهم يدفعون كل ما يملكون وما تمتلك أسرهم ويعرضون أنفسهم للخطر لكي يفروا منها . واختصارا لهذه الظروف  المؤقتة في مصر "على حد تعبيرهم" قاموا بتسمية مصر بالدولة المؤقتة .
وبدأت أفكر طويلا في هذه التسمية الفريدة والتي تتوافق تماما مع الحالة التي وصلت إليها مصر ، دولة مؤقتة ، بالفعل هذا الوضع هو وضع مؤقت حتى لو طال هذا الوقت ، حتى لو اختزل دور ووجود الدولة على الجانب البوليسي من خلال لجان المرور أو بأقسام الشرطة ومقار مباحث أمن الدولة .
دولة مؤقتة لا تستطيع الحكومة الحالية أن تعدل حالها ، فإما أن تكشف الفوضى عن نفسها بوضوح ، أو أن يأتي من الناس من يخلصها من الطفيليين والمتسلقين الذين يحكمونها ويعيدها دولة طبيعية مثل سابق عهدها .
لكن هذه النتيجة أوصلتني لسؤال أخر ، كيف انتشر هذا التعبير بين شباب لا تربطهم صله ، ومن غير المنطقي أن يتعاطى شباب بسطاء في مثل ظروفهم سواء في بروكسل أو نيويورك مع الانترنت ، ليبدوا انتقال هذه التسمية الفريدة أو هذا التوصيف منطقيا!
إذا فهي تسمية باتت منتشرة وليست بحاجة إلى شبكة الانترنت ليساعد على انتشارها " الدولة المؤقتة" ، هل سيأتي اليوم الذي سوف نسمع ونشاهد فيه المذيعين بالقناة الأولي أو قناة النيل للأخبار وهي تبدأ بث عناوين أخبارها باستقبال الرئيس حسني مبارك رئيس الدولة المؤقتة لسفير دول كذا ؟
هل ستذيع الفضائيات خبر في شريط الأخبار يتحدث عن كارثة جديدة لقطار الموت في الدولة المؤقتة؟
هل سوف نقرا على كيس شيبسي "باعتباره أهم المنتجات الصناعية في مصر الآن جملة " صنع في الدولة المؤقتة؟
أعتقد أنه لا شيء بعيد الاحتمال في مصر .
 فحين تتحول الطوارئ كحالة مؤقتة ، لحالة دائمة ، يمكن أن تصبح جملة دولة مؤقتة هو اسم عادي لمصر.
و حين  تستمر نفس الوجوه في الحكم عقودا طويلة وتطلق مبادرات الإصلاح "لنفس الأوضاع التي خربتها" يصبح تعبير دولة مؤقتة شيء عادي .
حين تتحول جريمة مقتل الآلاف من الأبرياء المصريين في كارثة العبارة إلى مجرد جنحة ، مثلها مثل جريمة شيك بدون رصيد أو مشاجرة بين مواطنين ، يصبح تعبير دولة مؤقتة تعبير عادي.
حين نتذكر جملة المتنبي الشهيرة " وكم ذا بمصر من المضحكات" ، سوف نستطيع التأقلم مع اسم مصر الجديد .. الدولة المؤقتة .

 من سنين مبسمعش راديو ,, وسمعته امبارح ، كده جه في بالي اسمعه فسمعته
من محطة لمحطة ، ومن برنامج لقرآن ، من أغنية لإعلان .. لحد ما رسيت على محطة الشرق الأوسط
لقاء مع مسئول كبيييييييير جدا في وزارة التربية والتعليم ،، واضح انه متعلق بإمتحانات الثانوية العامة.
المذيع ممل ، والضيف مغرور ومنافق ,,
"بس أنا قوي ،، قدرت اصبر واسمع"
قاعد يتكلم عن الوزير وحكمته والامتحانات والواجب على الطلبة ,,, كده كل كلامة نفاق للوزير أو أوامر ونصائح للطلبة ,,
مطولش عليكوا ,, البرنامج بيستقبل مكالمات ،،
أول مكالمة جت من حد ، موظف وفضل برضه يمدح الوزير والمسئول ، بالاسم "واضح انه من المكالمات اللي بيتم الاتفاق عليها قبل البرناج " .. وخلصت وصلة المدح ..
شويه رغي إضافي ، ومكالمة تانية
أنقلها بالنص كما أتذكرها :
البنت – الو ممكن اشارك
المذيع – طبعا قولي اسمك" شوف الرد"
–    أنا دعاء في الثانوية العامة
–    دعاء ايه ومنين؟
–    دعاء …. كذا ومن شبرا
–    اهلا يا دعاء عايزة تقولي ايه؟
–    أنا كنت عايزة أعرف هيه الامتحانات اللي جاية صعبة ولا سهلة؟
المسئول بحده – يعني ايه سهلة مفيش حاجة سهلة أو صعبة الامتحانات من المنهج ، انتي مش مذاكرة؟
البنت- اه طبعا والعربي كان كويس ، بس اصل الصراحة ساعات بتجيبوا أسئلة غبية جدا!!
–    ايه ده ، عيب كده انتي كبيرة ازاي بتقولي كده؟
–    اسفة والله العظيم مش قصدي يعني ، بس اصل ساهات بتيجي أسئلة مش مفهومة وانا حضرتك بذاكر كويس ومتفوقة بس الاسئلة يعني بتكون غريبة
–    أولا عيب تتكلمي كده ، ولازم تعتذري ، ثم لو مش عارفة تتكلمي متتصليش .
–    اسف والله العظيم تاني مش قصدي
المذيع والاتصال مازال مستمرا- واضح يا فندم ان الطلبة فعلا وخصوصا الجيل الجديد بيفتقد للذوق في الحديث ايه رأي حضرتك ؟؟؟؟
المسئول والاتصال مستمر- فعلا بس احنا فعلا بنهتم بالتربية جانبا الي جانب التعليم ، ودي توجيهات السيد الوزير وبيتابعها لحظة بلحظة.
البنت – اسف تاني والله العظيم
المذيع- لأ يا دعاء انتي فعلا غلطتي ولازم تعتذري
البنت تكاد تبكي – أيوه ما أنا بعتذر وبقول انا اسفة ومكنش قصدي.
المذيع نشوف اتصال تاني !!!!!!!!!!!!!!!!!!!!!!
وخلص الاتصال
البنت كانت شبه بتبكي ،
فعلا شكلها مكنش يقصد ،
والاستاذ المسئول في الوزارة والسيد المذيع ،، عملوا لها محاكمة ، وضاع سؤال البنت ، وأكيد ضاع تركيزها ، وباظ مودها ،،
خلاص
=====
 قال الشيخ حسني في فيلم الكيت كات " دي حاجة وسخة"

مش عارف أنا أو احنا اللي في جيتو .. ولا الدنيا كلها عبث

الموضوع ده اتقله حرفيا من احد المواقع الحوارية أو المنتديات ..عن فوائد قرصة النملة !! أه واله العظيم .. والمثير ان شباب كتير تفاعلوا معه

حنقله زي ما هوه وعوضنا على الله !
—–

فوائد قرصة النملة!!!سبحان الله
بسم الله الرحمن الرحيم

6 .. قرصة النمله كأفضل وسيله للرجيم عندما تقوم النمله ( الانثى ) بتوجيه قرصتها للهدف المقصود ..فانها تفرز كمية من اللعاب الأيوني .. والغريب ان هذا اللعاب يقوم بحرق جميع الدهنيات الموجوده في العضو المقروص , مثلا , لو ان العضو المقروص هو الذراع فان اللعاب الموجود في مكان القرصه سوف يتنشر تدريجيا في كافة الذراع وبتالي سوف يقوم بحرق مانسبته 99% من الدهنيات التي توجد في هذا الذراع.
المشاركين في حوار :
دمعة الاحزان
ابن رشد الصغير
كسول
هادولي
الكاسح 2006
ميرو ام تي ام
المميز
دايم الشوق
دم الامارات

الوصلة عشان محدش يفتكر اني ببالغ :

أمن الدولة في المعادي .. اتصلوا ، ولكل ثقة " استاذ جمال عايزنك النهاردة ! "

يعني ايه عايزنك ، ومفروض اجي ليه يعني ، اصحاب ، خايف … مش جاي

بوليس: ولا تفرق

وده نص الحوار

اتصال من أمن دولة المعادي
حوالي الساعة الواحدة ظهر الأحد 27 اغسطس 2006.

– ألو
– أيوه يا استاذ جمال .
– مين معايا؟
– احنا امن الدولة.
– نعم
– احنا امن الدولة المعادي .. عايزينك بالليل
– مين معايا؟
– مش مهم مين معاك ، تيجي الساعة 9 تقابل الرائد …… "نسيت الاسم"
– بقولك مين معايا
– احنا امن الدولة .. تعرف قسم المعادي ؟ احنا وراه عايزينك الساعة 9 باليل تقابل الرائد ….
– مش فاضي .. ومش حاجي غير لما اعرف مين معايا وعايزين ايه.

شخص أخر يتناول السماعة ويحدثني.
– استاذ جمال
– ايوه
– كنا عايزينك بالليل
– مين معايا .. أنا امين شرطة …. "نسيت الاسم"
– خير ممكن اعرف عايزني ليه؟
– ماهو لما تيجي حتعرف
– بس أنا مش فاضي ، ومش حاجي غير لما اعرف فيه ايه.
– يعني مش حتيجي ؟
– لما افضي.
– ماشي .. انت اللي حتزعل

افتكرت .. اسم الضابط "أحمد حازم "

واقفل الخط.

جمال عيد