..عجوز متصابي وعايز يبقى مدون
مايو
01
شلت جزء من العنوان كان بيسيب انطباع وحش
بما أني تجاوزت الاربعين ، فبعتبر نفسي عجوز
والواد مالك دايما بيقولي انت عجوز !!
ماشي عجوز.
وبما أني شايف ان المدونين احسن حاجة ظهرت في مصر السنين الاخيرة ، فقد قررت أن اصبح مدون ، حاجة كده عشان اكون واحد من الشباب دول ، يعني متصابي بالشكل ده .. "كلكم فكرتوني حكتب عن حاجات تانيه صح؟".
بس مش عارف ليه محدش بيحط وصلة للمدونة بتاعتي عنده ، عايز ابقى مدون يا عالم ، يا مدونين ، يا شباب ، يخرب بيتكم ، طيب يا رب اللي يقرأ التدوينة دي وميحطش وصله عنده يحصل له ايه يحصل له ايه .. مش عارف بس حاجة وحشةوخلاص.
وبس
انا: اي حاجة