تصدق بالله؟ أنا مش عارفة أبطل ضحك

و قال باعت لي اللينك عشان أدخل و أشوف أنت كاتب أيه، و الله بفتكر العشرة الطيبة اللي كانت بيننا خلتك تقول لي كل سنة و أنتي طيبة ولا حاجة بس أتضح أنه لأ..

يلا هي جات عليك؟

بس أيه الكدب ده كله؟ و أيه حكاية "فصلناها" دي؟ أنا على حد علمي إن أنا اللي طلبت أمشي وأنت طلبت مني أصبر لغاية ما تجيبوا حد مكاني و بعدين لما أنا زهقت و لقيت صبري عليكم ما فيش منه جدوى أنا قررت أمشي من غير ما أسيب لك المهلة اللي أنت طلبتها مني و الكلام ده يشهد عليه كل اللي شغالين في الشبكة و يعرفوني

و فكرة أني مترجمة و ما زلت مترجمة دي مهنتي التي أتربح منها و شرف لي أن تصفني بها .. أما بقى إني أكون ناشطة جانب شغلي كمترجمة ده مزعلك في أيه مش فاهمة بالظبط الحقيقة؟

أقولك حاجة حلوة؟ أنا ما عنديش وقت أضيعه في الرد على كل الكدب اللي أنت كاتبه ده، يا صبرك؟ أنت فاضي قوي كده؟

كفاية تعرف إنك بكلامك ده قضيت على أخر حاجة حلوة كانت باقية لك جوايا، تصدق؟

سلام و كل سنة و أنت طيب يا أ/ جمال

داليا زيادة