• إدارة المدونة

  • الأقسام

  • الأرشيف

مواضيع قسم ‘هادي المطيف’

حكومة سيئة السمعة .. هايل يا وائل

يناير
09

الساعة اتنين إلا ربع صباح الأربعاء 10ينتاير 2007 ،

بالصدفة  بشوف برنامج اسمه ساعة حرة على قناة الحرة ..

ضيوف الحلقة وائل عباس ،بهي الدين حسن ، جهاد عودة …

الثلاثة معروفين .. واللي مش عارف يبعت لي .

موضوع الحلقة التعذيب في سجون وأقسام الشرطة في مصر  ..والفيديوهات  التي نشرتها المدونات ومنها طبعا مدونة الوعي المصري لوائل عباس .

طبعا مذيع  الحرة استضاف اسمه ايه "اللواء احمد ضياء الدين مساعد وزير الداخلية" ليرد على تعليقات وائل عباي القويةجدا .. والتي يتحدث فيها أن المدونات جزء من الراي العام ، وان نشر التعذيب لايجب ان يضيع تحت مزاعم اسباب النشر .

بهي الدين حسن يظهر بمظهر الحكيم القادم من مركز القاهرة ومجلس حقوق الانسان الحكومي "طب إزاي"

جهاد عودة بيقولك التعذيب لازم نرفضه  بس كمان طريقة النشر مش مفروض تكون كده !!!

طيب ازاي يعني المدونين يلفوها في ورق سوليفان؟؟؟!!!

المهم لقيت نفسي متعاطف .. والله العظيم متعاطف مع اللواء اسمه ايه ده "اللواء احمد ضياء الدين مساعد وزير الداخلية"

الراجل يا عيني قاعد يحاول يرد على كلام وائل عباس .. اللي مترتب وقوي "مش زي برنامج قناة المحور امبارح معرفش اسمه ساعة ونص ايه " وكلام بهي الدين حسن .. بس يا حبه عيني معندهوش غير الكلام العبيط بتاع الداخلية .. المدونين دول معرفش بتحركهم جهات ايه ؟؟ وان المدونات تعريفها اللغوي ايه ..

فعلا فكرت انه فاشل معذور .. مين يقدر يدافع عن وزارة سيئة السمعة زي دي ؟؟

وبما أن الحكومة في مصر مختزله في وزارة الداخلية ..

فهي "نظرا للقياس بتاع الثانوية العامة " حكومة سيئة السمعة ..

هايل يا وائل
مسكين يا أحمد "احمد ضياء الدين" شوفلك شغل تاني !!

جهاد عودة .. يا عودة روح ……………. يا تشتغل أكاديمي يا تشتغل مبرراتي .

بهي .. "صحوة الموت ما اري .. أم اري غفوة الحياة !!!"

عجبي 

لا يوجد ردود

Featuring WPMU Bloglist Widget by YD WordPress Developer