مصر بجد

الساكت عن الحق شيطان أخرس
ودي معركة غير نزيهة
المعركة التي تدور الان بيننا "مركز هشام مبارك ، والشبكة العربية والمدونين من جانب ، والقاضي عبدالفتاح مراد وأمن الدولة وحلفائهم من جانب ، تزداد سخونتها.
القاضي نقل كتابنا بشكل غير مشروع ، القاضي شوه وحرف في التقرير ، القاضي لم يلتزم بما كتبه هوه نفسه في كتابه من التزام بمعايير البحث وحقوق الملكية الفكرية.
القاضي لفق لنا قضايا جنائية.
القاضي يستخدم كل اسلحته وعلاقاته من اجل ان يثنينا عن المطالبة بحقنا.
القاضي يضغط عليا وعلى سيف بواسطة تلفيق قضايا لاصدقائنا المدونين من الشباب الشرفاء والشجعان.
القاضي يهدف الى ارباك النيابة ومحكمة مجلس الدولة بألاف الأوراق كمستندات بعضها ملفق ومصطنع وبعضها خارج عن السياق ومطروح طبقا لتفسيره هوه .
القاضي يسبقنا بخطوه لاننا كنا مشغولين سواء بقضايا أهم أو لاننا نجحنا في كشفه فاهملنا الموضوع بدرجة
لكن ……..
القاضي نسي
أننا لن نخاف من السجن
اننا لن نتراجع عن حقنا
أصبحنا نرى الموضوع ابعد من استيلاء على ملكية فكرية
كشفنا حالات نقل اخرى .. سوف نستخدمها في وقتها.
الثلاثاء القادم موعد التحقيق معايا ،
كان نفسي اكون أول من يتم التحقيق معه بدل من عمرو غربية.
أفكر جديا في الذهاب وأنا ارتدي ترينج أبيض .استعدادا لأربعة ايام حبس على ذمة التحقيق فانا لن أدفع كفاله ولو جنيه واحد ..
هذا رايي حقي وعلى الاخرين احترامه.
أفضل الحبس على أن ادفع جنيه واحد في قضيه ملفقه .
اشعر بحيرة شديدة من موقف النيابة …
حنشوف ايه اللي حيحصل في التحقيق.

لسه بفكر في الموضوع ، حكاية أحمد فاروق الفيشاوي وأبوه مع هند 

الحناوي.

عشان كده قررت أكتب عنهم ، وعن الناس اللي مش قادر اهضم تصرفاتهم ،وكمانم الناس اللي بحترمهم واقدرهم.

بين وقت والتاني حكتب موضوعات بعنوان "معاهم ، ومش معاهم"

نبدأ بـ مش معاهم:

فاروق الفيشاوي وابنه ..

ممثلين نصف موهوبين ، أنا عن نفسي محبتش الاتنين .. والله حتى من قبل حكايتهم الغير انسانية مع هند الحناوي.

الواد اعتمد على شهرة ابوه ، وعلاقته ببعض الدعاة الجدد ، وببساطة اصبح محط أنظار بعض الفتيات ، ما علينا ، كلنا نحب نكون ، لكن صاحبنا ، يعمل علاقة ولا يتحمل تبعاتها ، ده مش نبل .. والاسخف من ده يتنكر لبنته؟؟؟؟

فعلا مرفوض ، وايا كانت هند الحناوي وحكايتها ، فقد قررت أن أقاطع أفلام أبوه .. فاروق الفيشاوي اللي دعمه في موقفه الغير "كلمه وحشه" أما الواد نفسه فهو في رايي اقل من ربع موهوب ، عشان كده أصلا لا أشاهد أفلامه.

وخسارة فيهم تمن التذكرة أو ثمن السي دي المضروب اللي في شوارع وسط البلد ..

طبعا ده رأيي .. بس على الاقل خلينا نقول لأ لناس زي دي.